BAKEA ETA BIZIKIDETZA LANTZEN DUTEN LIBURUTEGIAK. UDA 2021

Nafarroako Gobernuak, “Bakea eta Bizikidetza lantzen duten Liburutegiak” programaren bidez (Kultura eta Kirol Departamentuko Liburutegi Zerbitzuak eta Herritarrekiko Harremanetako Departamentuko Bizkidetzaren eta Giza Eskubideen Zerbitzuak bultzatzen duten programa), aurrez aurreko lau tailer jarri ditu Nafarroako Liburutegi publikoen eskura, 5 eta 16 urte bitarteko hau eta nerabeentzat, euskaraz eta gaztelaniaz. 33 liburutegik parte hartuko dute ekimenean, eta uztailean eta abuztuan 75 saio sustatuko dira. 2021eko udan egingo diren tailerren helburu nagusia giza eskubideen gaia artistikoki, bizipenetatik eta gogoetatik lantzea da. Proposamenak bat egiten du Garapen Jasangarriko Helburuen 2030 Agendaren ekintza-estrategiarekin 1., 2., 3., 4., 10. Eta 16. Helburuetan: pobreziaren amaera, zero gosea, osasuna eta ongizatea, kalitate-hezkuntza, justicia eta erakunde sendoak. 

Programa bultzatzen duten bi zerbitzuek Nafarroako lurralde osora iritsiko diren jardueretan parte hartzera animatzen dituzte haur eta nerabeak. 

“Eskuak zabalik, hau eskubide bat da!” tailerra 

5-8 urte bitarteko haurrentzat.

Iraupena: ordu bat 

Inma Gurreak, Izaskun Mujikak eta Marisa Serranok dinamizatuko dute saioa, eta bi zati izango ditu: bat ahozko narrazioarena, eta bestea jarduera praktikoarena, sormenarena, artistikoarena. Hainbat ipuinen bidez bi kontzeptu landuko dira: eskubideen unibertsaltasuna eta eskubide orok betebehar bat dakar. Ahozko kontakizunaren ondoren, “Eskubideen basoa” jarduera egingo da; esku ireki desberdinak, askotarikoak eta sortzaileak dituen basoa sortuko da. Baso horrek gogoraraziko digu eskubideak pertsona guztien artean egiten ditugula eta pertsona guztienak direla. Emaitza liburutegian egongo da. 

“Eskolara bideak” tailerra

8-12 urte bitarteko haurrentzat. 

Iraupena: bi orduko saio bat edo hiru orduko saioa atseden-tartearekin.

Areté Activak dinamizatutako tailerrak aukera ematen du munduan zehar hezkuntzarako sarbideari buruzko esperientzien eta bizipenen aniztasuna familian partekatzeko, norberarenak ere adieraztera gonbidatuz, pandemia-aldi honi aipamen berezia eginez. Horretarako, ikus-entzunezko materiala erabiliko da, eskolarako bide desberdinak imajinatu eta esperimentatzera gonbidatuko da, bai eta hausnarketak hitzez eta modu artistikoan adieraztera ere. 

“Eskubidea dugu…” tailerra

8-12 urte bitarteko haurrentzat. 

Iraupena: bi ordu 

Bakeola EDE Fundazioak dinamizatutako tailerrak misio komun bat proposatzen du, non proba eta pisten bidez, Giza Eskubideen Adierazpen Unibertsalera hurbilduko diren. Historian zehar, eta baita gaur egun ere, giza eskubideen defentsan jarduten duten kontinente desberdinetako gizarte-mugimenduak eta pertsona erreferenteak ezagutu ahalko dira jokoan. 

“Scape-room, bazterketa soziala” tailerra

12-16 urte bitarteko gazteentzat. 

Iraupena: bi ordu 

Pobreziaren eta Gizarte Bazterkeriaren Aurkako Nafarroako Sareak dinamizatutako tailerrean parte hartzen duten guztiek gizarte-bazterkeria zer den eta zer eremu hartzen dituen ezagutu ahal izango dute. Scape-roomak 9 mini-joko dituen abentura bat aurkezten digu (gurutzegramak, hieroglifikoak, gakoak…), eta horien bidez 9 errealitate edo Gizarte-bazterketaren arlo ezagutuko ditugu. Mini-jokoak eta asmakizunak konponduz, galdu ditugun inklusioaren betaurrekoak topatuko ditugu (scape-roomaren hasierako premisa), mundua ikuspegi inklusiboago batetik ikusteko.