KONTZIENTZIA ERAGOZPENA eta INTSUMISIOA NAFARROAN

PROIEKTUA


 

 

Proiektua Nafarroako kontzientzia-eragozpenaren eta intsumisioaren mugimenduaren historia berreraikitzeko eta memoria berreskuratzeko sortu zen, hirurogeita hamarreko hamarkadatik XXI. mendearen hasierara arte. Proiektuaren lanik garrantzitsuenetako bat artxibo digital hau antolatzea izan da, herritarrei milaka dokumentu eskuratzeko aukera ematen diena, bai mugimendua egituratu zen erakunde desberdinetakoak, bai militanteenak, beren erreferente teorikoak, estrategiak, barne-antolaketa eta aktibismo aberatsa hobeto ulertzeko aukera ematen dutenak.

Artxiboa lau atal handitan egituratu da:

  • Dokumentazioa: 2.006 dokumentu-unitate dira, KEM-MOC, Kakitzat, Preso Intsumisoen Batzarra, EHGAM, Carlos Rey, Iñaki Subiza eta Juanjo Morenok eskainiak. Bilaketak gaika egiten dira, antolatzeko balio izan zuen ISAD (G) delakotik abiatuta, nahiz eta kontsultak errazteko modu sinplifikatuan erakusten den.
  • Hemeroteka: Iñaki Subizak antolatutako bilduma erakusten du, 3.952 prentsa-ebakin dituena. Bilaketa goiburuen arabera egiten da, eta kronologikoki hauta daiteke. Emaitzek albistearen erreferentzia eta miniatura bat itzultzen dituzte. Ezin da albistea osorik erakutsi, kasu askotan goiburu biziak direlako. Nafarroako Memoriaren Institutuaren Dokumentazio Zentroan kontsulta daiteke. 
    Dokumentazio atalean ere prentsa-dosier batzuk ere badaude, baina ez dira atal honetara eraman jatorrizko osotasuna gordetzeko.  
  • Kartelak eta eranskailuak: Andoni Romeoren bilduma da. Bilaketa tematikoa da. Emaitzek dokumentuaren erreferentzia itzultzen dute eta pantailarako bistaratze egokia ahalbidetzen dute. Bestelako kontsultetarako, jarri harremanetan Nafarroako Memoriaren Institutuarekin.
    Dokumentazio atalean ere kartel eta eranskailu batzuk ere badaude, baina ez dira atal honetara eraman jatorrizko osotasuna gordetzeko.
  • Memoria: Atal honek hainbat ibilbide aurkezten ditu ikerketa-taldeak egindako 16 elkarrizketa kolektiboen bidez, 71 parte-hartzailerekin. Elkarrizketetako erreferentziak txostenean zehazten dira.
    Atal hau 2021eko maiatzean egongo da eskuragarri.

 

KREDITUAK:

- Zuzendaritza zientifikoa: Pedro Oliver Olmo (ikerlari nagusia) - Bruno L. Areitio-Aurtena (ikerlari kontratatua) - Fernando Mendiola Gonzalo (ikerlari laguntzailea).

- Koordinazioa: Nafarroako Memoriaren Institutua.

- Digitalizazioa: Analecta.