LA MARSELLESA DE LOS BORRACHOS


2026ko martxoak 24, asteartea
21:00etan. 

 

Zuzendaritza: Pablo Gil Rituerto.
Gidoia:  Alba Lombardía eta Pablo Gil Rituerto.
Ekoizpena: Boogaloo Films, Graffitti Doc, Les films de l'Oeil Sauvage, Escarlata Estudios.
Urtea: 2024.
Iraupena: 96 minutu.

Aurkezpena: Pablo Gil Rituerto.

 

SINOPSIA

Espainian zehar egiten diren bi bidai elkartzen dira La marsellesa de los borrachos filmean. Lehenengoa 1961ean burutu zen, Italo Calvino eta Umberto Eco bezalako pertsonaiei lotutako Cantacronache talde turindarrak iparraldean zehar ibili zenean erresistentziako abesti herrikoiak grabatzeko eta zabaltzeko. Erregimen frankistak, La marsellesa de los borrachos izeneko panfleto satiriko batekin, haiek gutxiesten saiatu zen. Bigarren bidaia 2022an gertatu zen, Pablo Gil Rituertoren zuzendaritzapean, zeinak ahozko memoriaren bidez esperientzia hura berreraikitzen duen. Emilio Jonak, jatorrizko espedizioaren lekuko bizi bakarrak, iragana eta oraina lotzen dituen ibilbide hau gidatzen du, musikari haien ondarea berreskuratuz eta gaur egungo espiritu kritiko eta iraultzailea eguneratuz.

 

PABLO GIL RITUERTO


Madril, 1983. Ikus-entzunezko Komunikazioan lizentziatu eta muntaketan eta postprodukzioan diplomatu ondoren, 2008an Bartzelonara joan zen, eta han UPFko sorkuntzako dokumentalen masterra egin zuen. Duela hamabost urtetik zinema-muntaketan dihardu, besteak beste, José Luis Guerin (La dama de Corinto, Recuerdos de una mañana), Mercedes Álvarez (Mercado de futuros), Isaki Lacuesta (Apagón) eta Marc Ere (Centaures de la nit) zinemagileentzat lan eginez. La marsellesa de los borrachos da zuzendari gisa egin duen lehen film luzea.