EL SILENCIO HEREDADO (O SILENCIO HERDADO).


2026ko martxoak 26, osteguna
21:30ean. 

 

Zuzendaritza: Lucía Dapena.
Gidoia:  Lucía Dapena González eta Liliana Díaz Castillo.
Ekoizpena: La Selva Ecosistema Creatiu.
Urtea: 2025.
Iraupena: 82 minutu.

Aurkezpena: Lucía Dapena.

 

SINOPSIA

Ken Loachek zioenez, bilobek aitona-amonen istorioa jakin nahi dutenean, beranduegi izaten da. Hau ez da kasua. El silencio heredado filmak odolik gabeko duelu baten eszenifikazioa isladatzen du, topaketarik gabeko? elkarrizketa batena. Filma honetan ikusten dira Lucia Dapenak egin zituen saiakerak bere amona, Edilia, gerra zibilaren izugarrikeriak hozkatutako familiaren iraganaz argia emateko. Hala ere, Luciak hitz iheskorrak eta isiltasun kezkagarriak baino ez ditu aurkitzen. Bilobaren eta amonaren artean 82 minutuz elkarrizketa isil bat gertatzen da, topaketa erretoriko eder bat, non zuzendariak oroitzapenak eta datuak bilatzen dituen, amonak iraganeko lainoa argitu gabe ahanzturaren beharra defendatzen duen bitartean. Luciak ulertu zuenean erantzunak ez zituela inoiz aurkituko, isiltasun hori entzutea erabaki zuen ulertzen saiatzeko.

 

 LUCÍA DAPENA GONZÁLEZ


Galizia, 1988. Ikus-entzunezko Komunikazioan lizentziaduna da Madrilgo Complutense Unibertsitatean, eta dokumentaletan espezializatua Bartzelonako Pompeu Fabra Unibertsitateko Sorkuntzako Dokumental Masterrean. 2018tik 2025era bitartean, La Selva. Ecosistema Creatiu esparruan garatu du bere jarduera zinematografikoa. La Selva, gizarte-inpaktua duten filmen eta bazterketa-arriskuan dauden kolektiboekiko prestakuntzaproiektuen ekoizpen zinematografikoan espezializatutako kooperatiba da. Esperientzia luzea du film laburren errealizadore gisa eta O Silencio Herdado (2025) bere lehen film luze dokumentala izan da zuzendari eta gidoilari gisa. Dokumentala nazioarteko hainbat jaialditan aukeratu dute: DocsBarcelona 2025eko sail ofizialean, PlayDoc 2025eko sail ofizialean eta 2025eko Ourense Film Festival, non Panorama Galicia Sail Ofizialeko Gidoi Onenaren saria jaso zuen.