"OSASUN MENTALA ETA GIZA ESKUBIDEAK" WEBINAR

 

Nafarroako Gobernuko Bakearen, Bizikidetzaren eta Giza Eskubideen Zuzendaritza Nagusiak "Osasun Mentala eta Giza Eskubideak" web mintegia antolatu du. Saioa irizpide irisgarriekin egingo da, azpitituluekin eta zeinu hizkuntzarekin.


Data: irailak 28
Ordutegia: 16:00-17:10
Izen ematea
: ondoko esteka erabiliz.

Osasun mentaleko diagnostiko bat duten pertsonak izango ditu ardatz saioak, begirada pertsonengan jarri nahi da, eta ez gaixotasunean. Ikusgarritasuna ematea da helburua eta lehen lerrotik hitz egitea, erakundeetatik eta elkarteetatik, egiten ari diren lanaz eta gizarte inklusiboago bat lortzeko bidean egiteke dagoenaz pertsona guztien eskubide guztiak errespeta daitezen.

Saioan parte hartuko dutenak: Nafarroako Gobernuko Osasun Mentaleko gerente den Iñaki Arrizabalaga, Nafarroako Gobernuko Autonomiaren eta Pertsonen Garapenaren Agentziako Zuzendari Kudeatzailea den Inés Francés, ANASAPS elkarteko koordinatzailea den Aitziber Yárnoz, Mejorana Elkarteko kide den Sandro Iaboni eta “Acompáñame” proiektua bultzatzen duen Ainhoa Arburua Mejorando Cada Día fundazioaren, Perro Verderen, Mejorana Elkartearen eta Fundación Iddeasen izenean. 

Proposamena Nafarroako Gobernuko Bakearen, Bizikidetzaren eta Giza Eskubideen Zuzendaritza Nagusiak 2020an abian jarri zuen “Somos Personas – Pertsonak gara” programaren testuinguruan kokatzen da. Programak helburu du sentsibilizazio jardueren bidez, ditugun eskubideen errealitate ezberdinak azaltzea, giza eskubideen defentsan egunero-egunero lanean ari diren pertsonak, elkarteak eta erakundeak balioan jarriz.